Z64 · gertu.mn · gertu.io
Нууцлалын бодлого
Z64 апп болон манай вэб сайт таны ямар мэдээллийг цуглуулж, юунд ашигладаг, хэнтэй хуваалцдаг, та түүнийгээ хэрхэн устгах тухай.
Хүчин төгөлдөр болсон: 2026 оны 10 сарын 30
Хамрах хүрээ
Энэхүү бодлого нь Gertu Solution компанийн Z64 аппликейшн (Android, iOS) болон gertu.mn, gertu.io вэб сайтад хамаарна.
Z64 нь ухаалаг хотхон, барилга, хаусын оршин суугчдад зориулсан цогц апп юм. Видео домофон, орцны хаалга удирдах, лифт идэвхжүүлэх, зочны машин бүртгэх гэх мэт өдөр тутмын үйлдлүүдийг гар утсаасаа хийх боломжтой.
Таны мэдээллийг Gertu Solution хариуцна. Асуулт, хүсэлтээ дараах хаягаар илгээнэ үү:
Аппаас цуглуулах мэдээлэл
- Бүртгэл
- Нэр, овог, гар утасны дугаар, имэйл хаяг, нууц үг. Утас, имэйлээ нэг удаагийн кодоор баталгаажуулна. Профайл зураг оруулбал түүнийг хадгална.
- Орон сууц
- Хотхон, байр, тоот, эзэмшлийн хэлбэр, харьяалах СӨХ. Гэр бүлийн гишүүнээ урихад тухайн хүний нэр, утас, имэйл, танд хэн болох.
- Машин
- Өөрийн болон зочны машины улсын дугаар, машины нэр, эзэмшигчийн нэр.
- Хаалганы дуудлага
- Дуудлагын цаг, үргэлжилсэн хугацаа, хэн хариулсан, хаалганы камераас авсан агшин зураг. Видео дуудлагын үеэр таны камер, микрофон ажиллана.
- Нийтлэл, санал хүсэлт
- Таны бичсэн нийтлэл, сэтгэгдэл, санал хүсэлт, хавсаргасан зураг.
- Утас
- Мэдэгдэл хүргэх токен, утасны танигч, үйлдлийн систем, аппын хувилбар.
Апп зар сурталчилгааны болон хэрэглээний статистик цуглуулах хэрэгсэл агуулаагүй.
Утасны зөвшөөрөл
Апп дараах зөвшөөрлийг зөвхөн нэрлэсэн зорилгоор ашиглана. Зөвшөөрлөө утасныхаа тохиргооноос хэзээ ч өөрчилж болно.
- Камер, микрофон
- Видео домофоны дуудлага.
- Мэдэгдэл, дуудлага
- Ирж буй дуудлагыг утасны дуудлага шиг харуулах, мэдэгдэл хүргэх.
- Дотоод сүлжээ
- Дуудлагын холболт.
- Зураг
- Профайл, нийтлэлд зураг сонгох, аппын зургийг утсандаа хадгалах.
Ашиглах зорилго
- Бүртгэл үүсгэж нэвтрүүлэх, таныг орон сууцтай тань холбох.
- Видео домофоны дуудлагыг танд хүргэх, орцны хаалга нээх, лифт идэвхжүүлэх.
- Өөрийн болон зочны машиныг хотхонд бүртгэх.
- Хотхоны нийтлэл, мэдэгдэл, санал хүсэлтийг хүргэх.
- Аппыг аюулгүй, хэвийн ажиллуулах.
Таны мэдээллийг зар сурталчилгаанд ашиглахгүй, бусдад худалдахгүй.
Хадгалалт, хамгаалалт
Мэдээлэл манай сервер болон дээр дурдсан үйлчилгээ үзүүлэгчдийн системд хадгалагдана. Апп манай сервертэй шифрлэгдсэн HTTPS холболтоор харилцаж, нэвтрэх түлхүүрээ утасны хамгаалалттай санд хадгална.
Таны мэдээллийг бүртгэлтэй байх хугацаанд хадгална. Бүртгэлээ устгахад юу устаж, юу үлдэхийг «Бүртгэлээ устгах» хэсэгт бичсэн.
Бүртгэлээ устгах
Аппаас:
- Доод цэсний «Тохиргоо» руу орно.
- «Бүртгэл устгах»-ыг сонгоно.
- Устгахаа баталгаажуулна.
Бүртгэл тэр даруй устах бөгөөд үүнийг буцаах боломжгүй.
Аппад нэвтэрч чадахгүй бол бүртгэлтэй утасны дугаар эсвэл имэйлээ дурдаад «Бүртгэл устгах» гэсэн гарчигтай захидал илгээнэ үү. Таныг баталгаажуулсны дараа бүртгэлийг устгана.
Таны эрх
- Хувийн мэдээллээ аппын «Хувийн мэдээлэл» хэсгээс харж засах, профайл зургаа солих, устгах.
- Нийтлэл, сэтгэгдэл, санал хүсэлт, машин, гэр бүлийн гишүүнээ өөрөө устгах.
- Мэдэгдэл, зөвшөөрлөө утасныхаа тохиргооноос хаах.
- Таны талаар ямар мэдээлэл хадгалж буйг асууж, хуулбар авах.
Вэб сайт
- gertu.mn, gertu.io сайт cookie ашигладаггүй, нэвтрэх шаардлагагүй.
- Сайт хандалтаа өөрөө тоолдог: ямар хуудас, хэсгийг хэр удаан үзсэн, хэр доош гүйлгэсэн, аль сайтаас орж ирсэн, ойролцоо улс, хот, төхөөрөмжийн төрөл. IP хаягийг хадгалахгүй, зочдыг өдөр бүр шинэчлэгддэг нэргүй тэмдэгээр тоолно. Хөтөч тань «Do Not Track» дохио илгээвэл тоолохгүй.
- Холбоо барих маягт таны имэйл аппыг бэлэн захидалтай нээдэг. Сайт маягтын мэдээллийг хадгалахгүй.
- Цайвар, бараан горимын сонголт тань зөвхөн таны хөтөчид хадгалагдана.
- Видеоны зураг YouTube-ээс ачаалагдана. Видео өөрөө зөвхөн та тоглуулахад YouTube-ийн нууцлалыг сайжруулсан горимоор ачаалагдана.
- Сайтыг Vercel байршуулдаг. Тэдний сервер хүсэлтийн техникийн бүртгэлийг, IP хаягийн хамт, түр хадгална.
Өөрчлөлт
Энэхүү бодлогыг шинэчилбэл энэ хуудсанд нийтэлж, дээрх огноог өөрчилнө.
Холбоо барих
Нууцлалын талаар асуулт, хүсэлт байвал бидэнд бичээрэй.